Ish-trajneri i Interit Antonio Conte po përgatitet për debutimin e tij me ‘Sky Sport Italia’ si ekspert për Champions League sonte me një vizitë në klubin e ‘The Beatles’ ‘The Cavern’ në Liverpool.
Conte u largua nga pozicioni i teknikut në Inter pasi fitoi Serinë A në 2020-2021 dhe ndërsa ish-klubi i tij po përgatitet për ndeshjen e madhe kundër Real Madridit në San Siro, Conte është në Liverpool përpara ndeshjes së kuqezinjve të Italisë në Anfield.
Milani do të përballet me Liverpool për herë të parë në histori dhe Conte është në Angli për të qenë pjesë e mbulimit të kësaj sfide.
‘Sky Sport Italia’ zbulon se ish -tekniku i Juventusit dhe Interit vizitoi ‘The Cavern’, klubi historik ku Beatles filloi të luante në vitet 1960.
Trajneri i tha gazetarit të ‘Sky Sport Italia’, Gianluca Di Marzio se ai e vlerësoi përvojën e këtij klubi dhe vendosi firmën e tij në murin e “The Cavern”.
Sonte, Conte do të bëjë debutimin e tij për ‘Sky Sport Italia’, pasi një nga trajnerët më të suksesshëm në historinë e futbollit modern do të jetë i ftuar special në studiot e Champions League 2021-2022./K.T/Gijotina.com
