Liverpool, një trajner holandez për stolin

Mediat sportive kanë zbuluar një emër të ri për stolin e Liverpool

Bëhet fjalë për teknikun aktual të Feyenoord, Arne Slot.

45-vjeçari raportohet se është i pari në listën e drejtuesve të Liverpool, për të zëvendësuar Jurgen Klopp, i cili do të largohet në fund të sezonit aktual.

Në drejtimin e Feyenoord, Slot numëron një Kupë të Holandës të fituar dhe një titull kampion.

Mënyra e lojës së holandezit, është thuajse e njëjtë me atë të Klopp.

Në Angli e bëjnë të kryer marrëveshjen, ndërsa thuhet se në ditët e ardhshme, pritet të vijë edhe zyrtarizmi.