Liverpooli ka përdorur gjithë arsenalin në përballjen me Spartën në Pragë, duke shënuar fitore me rezultatin 5:1.
Kjo fitore e thelë është dëshmi e dallimit dukshëm në cilësi mes skuadrës angleze dhe asaj çeke.
Të besuarit e trajnerit Jurgen Klopp zbatuan detyrat duke arritur një triumf bindës e që me një këmbë janë në çerekfinale të Europaë League.
Për Liverpoolin shënuan Mac Allister (6′- nga penalltia), Nunez (25′ e 45+2′), Diaz (53′) e Szoboszlai (90+5′) dhe për vendasit Bradley (46′ – autogol).
Ajax barazon me Aston Villa
Ajax ka barazuar (0:0) me Aston Villën.
Skuadra angleze doli e pamposhtur nga Amsterdami, edhe pse nuk e kishte të lehtë për faktin se mbeti me një lojtar më pak nga minuta e 83-të.
Konsa është përjashtuar me karton të kuq pas dy verdhëve.
Portieri shqiptar Diant Ramaj është paraqitur titullar për Ajax-in, duke treguar formë të mirë.
Ky barazim me shumë i shkon për shtat Aston Villës për sfidën e kthimit në Birmingham, në kuadër të së tetës së finales së Conference League.
Super Zhegrova me Llille
Lille ka treguar forcën e saj në udhëtim, duke i shkaktuar humbje me rezultat 3:0 Sturm-it në Graz.
Skuadra austriake nuk ishte e denjë karshi Lilles së disponuar me një Edon Zhegrovë shumë të mirë.
Futbollistët David (28′ e 51′) dhe Zhegrova (71′) shënuan për fitoren e udhëtuesve.
Zhegrova është zëvendësuar në minutën e 77-të.
Lille bën hapin e madh drejt çerekfinales së Conference League.
Discussion about this post