Liverpool është kualifikuar në finalen e FA Cup, pasi mposhti Manchester City në Etihad Stadium më rezultatin e ngushtë 3-2.
Liverpool e nisi fuqishëm ndeshjen dhe për 45 minuta të besuarit e Jurgen Klopp arritën të shënonin tre gola në portën e “Qytetarëve”.
Për miqtë i pari që shënoi ishte Konate, në minutën e 9-të me një goditje me kokë. Një moment fantastik i mbrojtësit, i cili shënoi dy gola edhe në Champions League kundër Benfica në dy ndeshjet e çerekfinaleve.
Më pas ishte Sadio Mane ai që përfitoi nga një gabim trashanik i portierit të City. Senegalezi shënoi edhe golin e tretë, me një goditje fantastike “volej”.
City reagoi në pjesën e dytë dhe me Grealish shënoi golin e parë. Situata nuk dukej aq e mirë, pasi ekipi i Guardiolës nuk po shënonte dot golin e dytë për ta hapur ndeshjen.
Vetëm në minutën e 91-të Bernardo Silva ngushtoi rezultatin në 2-3. Koha ishte e pamjaftueshme për City t’ia ndryshonte fatet kësaj ndeshjeje dhe Liverpool festoi kualifikimin.
Discussion about this post