Liverpool ka arritur të sigurojë shërbimet e Luis Diaz gjatë kësaj merkatoje. Këtë transferim e ka konfirmuar tashmë në faqet zyrtare klubi anglez, ku thuhet se lojtari ka kaluar edhe testet mjeksore, ndërsa do të bashkohet me skuadrën pasi të mbarojë angazhimet me kombëtaren kolumbiane.
“Ne kemi përfunduar nënshkrimin e Luis Diaz nga FC Porto. 25-vjeçari ka nënshkruar një kontratë afatgjatë me Reds pasi ka kaluar testet mjekësore dhe ka finalizuar kushtet personale. Diaz do të arrijë në Merseyside pasi të ketë përfunduar detyrën ndërkombëtare me Kolumbinë, e cila përballet me Argjentinën në një ndeshje kualifikuese për Kupën e Botës në Cordoba të martën në mbrëmje”, thuhet në njoftimin e klubit anglez.
Lojtari thuhet se ka nënshkruar kontratë për pesë vite e gjysmë, ndërsa transferimi i tij do t’i kushtojë Liverpoolit 40 milionë euro plus 20 milionë euro tjera bonuse, ndërsa kolumbiani do ta bartë fanellën me numër 23.
Discussion about this post