Kryetari i Bashkisë Elbasan, Gledjan Llatja, e ka nisur mandatin e ri me zakonet e vjetra. Llatja nuk iu ndahet abuzimeve me tenderët. Madje ka nisur përvetësimet me dorë të rëndë, ku bëhet fjalë për 7 miliardë lekë.
Për të xhiruar këto para tek miqtë e tij, Llatja ka hapur tenderin me objekt “Rikonstruksion dhe ndërtim i rrjetit të kanalizimeve të zonave informale: Harmës; pjesërisht Krastë e Vogël, pjesërisht Lagjja: Dyli Haxhire” dhe, pjesërisht Lagjja: Katund i Ri”.
Për hapjen e kanaleve kulluese në këto katër lagje të vogla të Elbasanit janë sulur oligarkët, sepse përfitimi është shumë më i madh në raport me investimin.
Por, me sa do të shohim më poshtë, Llatja e kishte paracaktuar me kohë fituesin. Sepse në dokument tregohet që janë paraqitur dy oferta, por njëra prej tyre me vlerë 6.3 miliardë lekë ësht skualifikuar në fazën e parë nga gara, pa ndonjë argument konkret.
Sepse duhej të linte rrugën hapur për ofertën më të shtrenjtë, në mënyrë që përfitimi nga fondi i bashkisë të jetë më i madh. Kështu, në garë mbeti vetëm oferta e bashkimit të operatorëve “METEO” shpk & “TOTILA” shpk & “ALBA KONSTRUKSION” shpk.
Ata kishin ofertën me vlerë 7 miliardë lekë, pra sa 100% e fondit limit. Pikërisht kjo ishte ajo që kërkonte Llatja dhe u vendos: këto firma e përfituan tenderin pa garë fare! Për këtë arsye Open Data i ka vënë “Flamur të kuq” dhe ngre alarmin mbi abuzimin që po bëhet me këtë shumë të madhe parash.
Përfituesit
Kryebashkiaku Llatja është mësuar që miqtë e mëdhenj i shpërblen me dhurata të mëdha, dhe ky tender është rasti. Të tre kompanitë që kanë përfituar nga ky tender janë të oligarkëve të njohur për aferat me tenderët. METEO shpk është në pronësi të Eral Myftarajt, biznesmenit mik me Erion Veliaj. Ky i fundit i jep para Myftarajt për prerjen e pemëve me firmën tjetër “AL-MEXËOOD”. Kujtojmë se Myftaraj pati pak muaj më parë sherr me një tjetër biznesmen për shkak të tenderëve të Veliajt.
Sakaq, ALBA KONSTRUKSION shpk është në pronësi të Xhavit Ismailit, vëllai i ish kryetarit të bashkisë Vorë, Fiqiri Ismaili. Tashmë është bërë zakon që në raste tenderësh partitë i ulin armët.
Ndërkohë, edhe TOTILA shpk është në pronësi të Jemin Totos që njihet për tenderët pa garë që merr nga bashkitë në sektorin e infrastrukturës. Pra, siç shohim, bëhet fjalë për “miqtë” e fondeve të qeverisë, prandaj Llatja nuk e ka kursyer dorën.
Lexo edhe: Erion Veliaj i jep 358 MLN lekë Eral Myftarajt për të prerë pyjet e Tiranës
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post