Lobimi rus “djeg” Bashën? Berisha zbulon nëse do ta përjashtojë nga PD

Kreu i Partisë Demokratike, Sali Berisha ka zbuluar nëse partia qën ai drejton do të marrë masa, për përjashtimin e deputetit demokrat, Lulzim Basha pas skandalit me lobimin rus.

I pyetur nga gazetarët, Berisha tha se PD do të ndërmarrë një audit për Bashën, por kjo gjë vështirësohet sipas tij sepse ish-kreu i PD ka marrë çdo provë me vete.

Më tej, Berisha tha se dosja për lobimin rus, e mbajti peng të Ramës, demokratin Basha për kaq vite.

Pyetje: A duhet ta përjashtojë PD Bashën?

Berisha: Tani, duhet të jem i hapur me ju. Kërkesa për një audit do merret dhe shumë i drejtë prapë do t’ju informoj se Lulzim Basha ka marrë gjithçka me vete, ka marrë harddisqet ka marrë gjithçka. Një qëndrim të dënueshëm, ka mbajtur Edi Rama në ndërhyrje të tij për mbylljen e dosjes. Unë e kam quajtur Bashën “peng” dhe kjo është faktuar. Imagjinoni të ishte sot në krye të PD-së, një njeri si Lulzim Basha, se çfarë dëmi do të ishte për kombin.