Belind Këlliçi, anëtari i Kryesisë së PD të drejtuar nga Sali Berisha, i ka drejtuar një thirrje mbështetësve të PD-së që ti bashkohen protestës që do të organizohet përpara Gjykatës së Lartë ku do të mbahet seanca gjyqësore për vulën e PD-së.
Këlliçi është shprehur se Përvetësimi i vulës së Partisë Demokratike ka për qëllim afatgjatë zhbërjen e simboleve historike dhe identitetit të forcës së parë demokratike në vend.
“Nesër në 09:00, shihemi në protestë përpara Gjykatës së Lartë.
Përvetësimi i vulës së Partisë Demokratike ka për qëllim afatgjatë zhbërjen e simboleve historike dhe identitetit të forcës së parë demokratike në vend.
Organizim në bllok nga qeveria e nipërve dhe mbesave për të zhbërë historinë e Shqipërisë pluraliste. Protesta për mbrojtjen e simboleve tona është protestë për dinjitetin tonë si të djathtë. O sot, o kurrë”, shprehet Këlliçi.
Discussion about this post