Gjykata e Tiranës nuk regjistroi sot ndryshimet statutore të miratuara në Kuvendin e 2 shtatorit të thirrur nga Lulzim Basha. Gjykata vendosi të pezullojë regjistrimin deri sa Gjykata e Lartë të shprehet lidhur me çështjen tjetër që pret shqyrtimin, atë mbi vulën dhe logon e kësaj partie.
Pas vendimit të Gjykatës së Tiranës, përfaqësuesi i grupimit të Gazment Bardhit, Marash Logu, tha se “ëndrra e Lulzim Bashës për t’u bërë kryetar i Grupit Parlamentar të PD, kundër vullnetit të demokratëve, do vazhdojë të qëndrojë e mbyllur në sirtarin e Lindita Nikollës”.
Një nga ndryshimet e miratuara në statutin e 2 shtatorit ishte përjashtimi i Gazment Bardhit nga PD dhe automatikisht humbja e çdo funksioni në partinë e drejtuar nga Basha, ndërsa ky i fundit ishte edhe kryetar partie, edhe kryetar i grupit parlamentar, ose kishte të drejtën që drejtimin e grupit t’ia delegonte një prej nënkryetarëve të partisë që drejtonte.
Discussion about this post