Kanë kaluar pak ditë nga finalja e madhe e Kampionatit Botëror Francë- Argjentinë, ku kjo e fundit doli fituese me anë të penalltive. Pjesa e parë ishte me të vërtetë shumë dinamike, madje ka dalë dhe një video në dhomat e zhveshjes së lojtarëve pas 45 minutash lojë. Gjatë pamjeve shfaqet sulmuesi francez Kylian Mbappe i cili bisedon me shokët e skuadrës duke i thënë se nuk mund të humbisnin, pasi ndeshjen e konsideronte si lojën e jetës së tyre.
“Nuk mund të bëjmë më keq! Është finalja e Kupës, njerëz. Është loja e jetës sonë. Kjo është vetëm çdo 4 vjet. Ose i lëmë të na mashtrojnë, ose vendosim intensitet. Po humbasim me 2 gola. Mund të kthehemi!”, – i thotë Kylian Mbappe shokëve të skuadrës në pushimin e pjesës së parë të finales kur po mundeshin 2-0.
Discussion about this post