Lojëra fati të kundraligjshme, kapen dy persona në Krujë

Në kuadër të operacionit “Fundi i lojërave” janë evidentuar dhe goditur 2 raste lojërave të fatit në mënyrë të kundraligjshme.

“U zbulua se kishte përshtatur lokalin e tij, për ushtrim të paligjshëm të lojërave të fatit, vihet në pranga 33-vjeçari. Sekuestrohen 2 makineta, tavolinë dhe çipsa, për lojën e pokerit. Gjithashtu, gjatë kontrolleve u arrestua në flagrancë dhe një 30-vjeçar, pasi në lokalin e tij, ushtronte aktivitetin e paligjshëm të lojërave të fatit (baste sportive). Sekuestrohet 1 aparat celular.”, njofton policia.

Si rezultat, u arrestuan në flagrancë shtetasit: -G. H., 30 vjeç dhe G. M., 33 vjeç, banues në Krujë dhe në Lezhë, për veprat penale “Organizimi ose ushtrimi i veprimtarive të lojërave të fatit në kundërshtim me ligjin” dhe “Vënia në dispozicion e lokaleve për lojëra të palejuara”.

Shtetasi G. M. u kap në flagrancë nga shërbimet e Policisë, në lokalin që administronte, të cilin e kishte përshtatur për lojëra fati. U sekuestruan në cilësinë e provës materiale, 2 makineta për lojëra fati, tavolinë dhe çipsa për lojën e pokerit, të cilat u gjetën në këtë lokal.

Shtetasi G.H., 30 vjeç, pasi u kap në flagrancë nga shërbimet e Policisë, në lokalin që administronte, duke vënë baste sportive, me aparat celular, i cili sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.