Në çdo deklaratë publike ministrja e Energjisë, Belinda Balluku, iu mëson qytetarëve se si të kursejnë energjie , ndërsa vetë shpenzojnë pa masë. Në ditët e fundit është vënë re se, edhe pse qeveria u zotua për kursim të energjisë elektrike duke vendosur ndërprerjen në akset rrugore gjatë natës, dritat po lihen ndezur gjatë ditës.
Në një konferencë për mediat gati një muaj më parë, ministrja e Energjisë Belinda Balluku njoftoi se do të fiken dritat e rrugëve. Nisma, sipas saj, do të vihej në jetë për të kursyer energji elektrike. “ARRSH në bashkëpunim me OSHEE do të marrin masat për ndërprerje në disa akse rrugore kombëtare, si Tiranë-Durrës, Qafë Kashar-Rinas, Korçë-Ersekë, Lin-Pogradec, etj. Po ashtu ndërprerje do të ketë edhe në akset kombëtare në degëzim, siç janë Bypass i Fierit me hyrje dalje, Lezhë-Shëngjin dhe Shkodër-Hnai i Hotit”, tha mes të tjerash ministrja.
Fikja e dritave të rrugëve është problematike për drejtuesit e mjeteve gjatë natës, duke rritur rrezikun për aksidente. Lidhur me vendimin megjithatë, u krijua një situatë absurde. Teksa gjatë natës dritat fikeshin, liheshin ndezur gjatë ditës, kur nuk ishte e nevojshme. Fenomeni është raportuar në mënyrë të përsëritur nga mediat. Pavarësisht kësaj, nga autoritetet nuk ka pasur reflektim. Dritat vijojnë të ndriçojnë ditën bashkë me dritën e diellit. Fotografia e mëposhtme është shkrepur rreth orës 8 në zonën e mbikalimit pranë pallatit me Shigjeta.
Discussion about this post