Pas debutimit të dy sportistëve shqiptar në Lojërat Olimpike “Paris 2024”, Manjola Konini në Qitje si dhe Kaltra Meça në not, sot ishte rradha e sportistit Grisi Koxhaku, i cili garoi në not, në disiplinën 100 m stil i lirë.
Në garën e zhvilluar në Paris La Défense Arena, notari ynë e përfundoi sfidën në vendin e 5-të, me kohën 52:32, duke përfunduar kështu rrugëtimin e tij dhe të notarëve pjesëmarrës nga vendi ynë, në Lojërat Olimpike në Paris.
Deri më tani, për ngjyrat kuqezi kanë garuar dy notarët dhe qitësja Manjola Konini, në 10 metra pistoletë ajri.
Kjo e fundit do të garojë edhe më datën 2 gusht, në 25 metra pistoletë precision.
Discussion about this post