Lojtarët e Vllaznisë pajisen me jelekët GPS

Vllaznia do të përballet me Skënderbeun në Korçë ditën e premte në orën 16:45, sfidë kjo e vlefshme për javën e 22-të të Abissnet Superiores.

Përpara këtij takimi shkodranët po vazhdojnë stërvitjen dhe ditën e sotme në seancën stërvitore ka pasur një risi të re.

Shkodranëve iu janë mundësuar jelekë të rinj modern GPS nga kompania “Fitogether”. Kjo kompani ka lidhur një partneritet me klubin shqiptar dhe ka filluar tashmë monitorimin e aktivitetit fizik të lojtarëve.

Këta jelekë janë vënë në dispozicion të ekipit dhe do të ofrojë asistencën e nevojshme deri në përfundim të sezonit 2022-2023.