Policia e Tiranës ka arrestuar dy persona pasi zhvillonin në mënyrë të jashtëligjshme aktivitetin e lojërave të fatit. Të arrestuarit janë një 40-vjeçar me inicialet N.P, pronar i një lokali në Paskuqan dhe një 33-vjeçar me inicialet K.C, pronar i një lokali në Laknas.
Gjatë kontrolleve të ushtruara nga policia, në lokalet e këtyre personave, u gjetën dhe u sekuestruan në cilësinë e provës materiale, 3 dekodera dhe 3 aparate celulare, të programuara për vendosjen e basteve sportive.
Të arrestuarit do të përballen me akuzat e “vënies në dispozicion të lokaleve për lojëra të palejuara” dhe “organizimi i lotarive të palejuara”. Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
Discussion about this post