Shqiptari, Ergys Koçi, 36 vjeç, është gjetur i vdekur në Haringey të Britanisë së Madhe.
Lajmi është publikuar së fundmi në mediat britanike ndërsa raportojnë se në lidhje me këtë krim është arrestuar një tjerët shqiptar
Bëhet fjalë për Briken Quni, 42-vjeç, pa një adresë fikse në Londër.
Briken Quni u paraqit në Gjykatën e Magjistraturës në Willesden të Shtunën, 25 Shtator, ku u caktua të paraqitej më 28 shtator para gjykatës së lartë, Old Bailey.
Policia u thirr rreth orës 22:00 të së martës, 21 shtator pasi trupi i një burri u gjet në një pronë banimi në West Green Road, N15.
Mësohet se shqiptari ishte gjetur i pajetë në rrugë me lëndime të shumta në trup që i kishin kushtuar dhe jetën.
Autopsia mjeko-ligjore zbuloi se shkaku i vdekjes ishte trauma në kokë dhe kishte disa plagë që kishte marrë nga një thikë, ndërkohë që ende nuk dihen detaje të tjera.
