Detaje të reja janë zbuluar nga ngjarja e rëndë në Londër, ku një i ri shqiptar humbi jetën pasi u dogj brenda një ferme kanabisi. Mediet e huaja bëjnë me dije se për ngjarjen e rëndë është arrestuar një person, ndërsa një tjetër është proceduar penalisht.
Një 33-vjeçar, i arrestuar më parë nën akuzën e burgosjes së rreme dhe kultivimit të kanabisit, po hetohet në gjendje të lirë. Po për këtë ngjarje, më 7 Janar është arrestuar një 26-vjeçar nën akuzën e vrasjes, burgim të rremë dhe kultivim kanabisi.
Prokurori Mark Rogers që po udhëheq këtë hetim, thotë se viktima humbi jetën në rrethana tragjike pasi mbeti i izoluar brenda kësaj godine e kthyer në një fermë kanabisi e cila u përfshi nga flakë të mëdha.
Ngjarja ka ndodhur në prag të Vitit të Ri, në një garazh në Southwold Road, Clapton. Mediat e huaja raportojnë Ermal Qose, 35 vjeç, u dërgua në spital, por fatkeqësisht ndërroi jetë dy ditë më vonë për shkak të plagëve të marra.
Discussion about this post