Një shef kuzhine në Londër ka rënë në prangat e një operacioni anti drogë, ku janë arrestuar gjithsej 8 persona, pasi dyshohej se importonin sasi të mëdha kokaine.
Detektivët e Met Specialist Crime Command dhe National Crime Agency , pjesë e operacionit, arrestuan Ermal Shtrezi – 39 vjeç, banues Lyndhurst Road, N22.
Shtrezi mësohet se është me origjinë nga Maqellara e Dibrës me profesion shef kuzhine. Mbi të rëndon akuza për konspiracion në importin e drogës të klasit A dhe posedim të sendeve të përfituara nga krimi.
Pjesa tjetër e të arrestuarve janë: Daniel Oliver, Alexis Miranda, Terry Allen, Nigel Rodgers, Ëilliam Adams, Frank Asante dhe Gary Hunt janë shtetas britanik.
Gjatë hetimit u kontrolluan dy ambiente që përdoreshin për qëllime komerciale dhe disa adresa.
Operacioni u ndërmor pas marrjes të një informacioni me qëllim shkatërrimin e këtij grupi kriminal në importin dhe shpërndarjen e kokainës.
