Trajneri i skuadrës së Kukësit, Diego Longo ka komplimentuar lojtarët pas fitores së pastër ndaj Vllaznisë. Ai ka theksuar se skuadra që drejton ka shumë potencial dhe mund të bëjë gjëra të mira në kampionat.
“E dinim para që Vllaznia është një ekip i mirë që mund të fitojë kampionatin. E dinim që për të fituar duhen raste golash, ne i bëmë dhe i shënuam. I gjithë ekipi ynë merr pjesë në fazën sulmuese. Lojtar si Taipi merr pjesë shumë sidomos në metrat e fundit. Kjo fitore është padyshim për sakrificën që ato kanë bërë në gjithë stërvitjet e zhvilluara. Kemi pasur balanca edhe në ndeshjet e tjera.
Tani duhet të shënojmë më shumë, i kemi mundësitë tre, katër apo pesë gola kur i kemi, mundësitë duhet të realizojmë. E kishim përgatitur ndeshjen kështu, Basha është fantastik, por unë doja të provoja diçka ndryshe. Mënyra sesi luajmë nuk varet nga qendra e mbrojtjes”, tha Longo.
