Ndërkohë që të gjithë fansat po prisnin për një ribashkim të saj me Mozzik, Loredana dhe futbollisti Edon Zhegrova po fliten në rrjet për një lidhje të mundshme.
Gazeta zvicerane “Blick” ishte ajo që ngjalli dyshimet pasi publikoi një foto të dyshes që ishin shoqëruar bashkë. Vetë këngëtarja e ka postuar foton, por gazeta kishte bërë një shkrim referuar një romance të mundshme. “Çfarë po ndodh këtu? Loredana pozon me ish- lojtarin e Baselit”, ka qenë titulli i artikullit të “Blick”, i cili vazhdon me fjalët
“Në fundjavë, reperja Loredana u shfaq krah për krah me ish-lojtarin e Baselit, Edon Zhegrova në storyn e saj në Instagram, duke ndezur kështu thashethemet”-ka shkruar “Blick”. Loredana ka disa kohë që është pjesë e portaleve edhe për një rikthim të mundshëm me ish-partnerin, Mozzik me të cilin ka dhe një vajzë, Hanën. Sidoqoftë në intervista të mëparshme Loredana ka shprehur qartë se po e shijon jetën si beqare dhe se është shumë mirë vetëm.
Discussion about this post