Ish-sulmuesi i kombëtares shqiptare Igli Tare është një nga emrat më në zë në këto momente në Itali. Tashmë drejtor sportiv te klubi i Lazio-s është nga të paktët në pozicionin e tij që përflitet shumë edhe në tregun e transferimeve.
Me çfarë bëhet e ditur, të shumtë janë ekipet që kërkojnë shërbimet e tij. Puna që ka bërë Tare në këto vite në krye te ekipit kryeqytetas ka tërhequr vëmendjen e disa klubeve, në Apenine dhe jo vetëm, aq sa presidenti i klubit, Claudio Lotito ka nisur punën për të rinovuar kontratën me të.
Së fundmi mediat italiane shkruanin se për shërbimet e Tares janë interesuar ekipe si Juventus dhe Tottenham.
Gjithnjë sipas mediave italiane, presidenti i Lazio-s i ka ofruar Igli Tares një kontratë të re 3-vjeçare. Mes Tares dhe presidentit Lotito ka pasur disa përplasje këtë periudhë, që kur në stol është ulur Sarri, por palët me sa duket janë afruar sërish për të shkuar drejt rinovimit të kontratës.
Discussion about this post