Kryetarja e LSI, Monika Kryemadhi ka reaguar lidhur me ankimimin e bërë prej tyre lidhur me rezultatin e Zgjedhjeve në Gjirokastër.
Sipas Kryemadhit, kështu do të vazhdohet me radhë në respekt të afatit ankimor, për të gjitha problematikat e evidentuara.
“Grupi i juristëve i angazhuar pranë LSI për çështjet zgjedhore, dorëzoi sot ankimimet e para për procesin e 25 Prillit. Kështu do të vazhdojnë me radhë, në respekt të afatit ankimor, për të gjitha problematikat e evidentuara. Me vigjilencë dhe qetësi, t’i shkojmë deri në fund zbardhjes së të vërtetës. E vërteta e 25 Prillit është brenda tek kutitë” shprehet kryetarja e LSI.
