Lëvizja Socialiste për Integrim kërkon që të shpallen të pavlefshme zgjedhjet në qarkun e Gjirokastrës. Ditën e sotme LSI ka dorëzuar ankimimin në KQZ.
Në kërkesën e kësaj partie thuhet se kërkohet shpallja e pavlefshmërisë së zgjedhjeve në Bashkinë Dropull të qarkut Gjirokastrës dhe duke qenë se kjo pavlefshmëri ndikon në shpërndarjen e mandateve të këtij qarku kërkohet shpallja e pavlefshmërisë për të gjithë qarkun.
Kjo forcë politike është e para në këto zgjedhje që depoziton ankimin në KQZ, për të mos njohur zgjedhjet e 25 prillit në zona të caktuara.
