Sekretari i Përgjithshëm i Lëvizjes Socialiste për Integrim, Endrit Braimllari, ka treguar sot më shumë detaje për angazhimet që do të marr tashmë LSI, me rikthimin e Ilir Metës në seli. Gjatë një interviste televizive ai thotë se duhet pritur deri në përfundim të detyrës si kreu i shtetit për të parë se çfarë drejtimi do të marrë. Gjithsesi ai thekson se LSI pret nga Meta angazhim të menjëhershme politik çka do mund të zgjojë edhe më shumë situatën politike.
“Ne nesër do të mbajmë Konventën Kombëtare të LSI, që ka të bëjë me shumë probleme që po kalon vendi, nga ana tjetër Konventa vjen në një moment shumë të rëndësishëm për vendim. Ne presim një angazhim në politikë të zotit Meta, se opozita në përgjithësi ka nevojë për energjinë e tij, eksperiencën e tij dhe axhendën e tij e cila ka qenë pro procesit integruese. Konventa do të analizojë situatën politike në vend, do të bëjë qartësinë e LSI në muajt në vazhdim dhe do të nisë përgatitjet për zgjedhjet e ardhshme. Ajo që është me më rëndësi, nesër në startim të Konventës së LSI do të njihen detajet e tjera. Konventa vjen në një moment të rëndësishëm për vendin ku duhet energji e re, pozicionim i ri në opozitë dhe nevojë për tu hapur”, u shpreh Braimllari. Kujtojmë se sot pasdite Meta do t’i dorëzojë postin pasardhësit të tij Bajram Begajt.
Discussion about this post