Nënkryetari i LSI, Petrit Vasili, ka reaguar sot në lidhje me takimin e Ramën në Beograd për “Open Balkan”. Përmes një postimi në Facebook, ai shprehet se çdo herë e më qartë duket që “Open Balkan” është plani i Vuçiç, i pranuar nga Rama kundër shqiptarëve, kundër BE dhe kundër Kosovës.
Sipas Vasilit, me këto lëvizje tradhtare Rama sa vjen dhe e largon Shqipërinë nga mundësia për të qenë pjesë e BE. “Rama, Open Ballkan dhe tradhtia në mes! Open Ballkan është qartësisht për Edi Ramën skena e dhurua nga Vuçiç që një i shitur si Edi Rama të luajë dramën e tradhtisë së vet.
Tradhti ndaj integrimit europian të Shqipërisë, duke nxitur e provokuar urrejtjen ndaj Bashkimit Europian, duke mos përmbushur asnjë kusht për hapjen e negociatave për anëtarësim në BE, duke folur 24 orë në ditë për një hiçgjë si Open Balkan thjesht për të relativizuar integrimin në BE”, shkruan ai.
Vasili thotë se sa herë që bëhen mbledhjet e “Open Balkan”, tregohet tradhtia e Ramës ndaj vendit dhe plani i tij për të mbajtur Shqipërinë ndaj BE. Madje konfirmon çdo herë që është pro Serbisë.
Discussion about this post