Partia Socialiste për Integrim e ka nisur ditën sot me sulme ndaj ‘Open Balkan’. Përmes një postimi në rrjetin social Facebook, nënkryetari Petrit Vasili është shprehur se reporterja për Shqipërinë në Parlamentin Europian, Isabel Santos, gjatë vizitës së saj në Shqipëri e bëri të qartë faktin se nisma e Vuçiç dhe Ramës nuk ka lidhje me BE.
“Parlamenti Europian prere: “Open Ballkan nuk ka lidhje me BE”. Raporterja për Shqipërinë në Parlamentin Europian, Isabel Santos deklaron: “Open Balkan është nisme që nuk ka lidhje me BE. Jam e fokusuar në çështjen e integrimit ne BE për Shqipërinë, ashtu siç besoj se duhet të jemi të gjithë dhe në asgjë tjetër”, përfundoi znj. Santos. Ketu marrin fund dihatjet histerike te Edi Rames per Open Ballkanin e tij pro serb dhe antishqiptar e antikosova”, tha ai.
Sakaq, Vasili tha se Rama mundohet më kot, pasi rruga e vetme e Shqipërisë është drejt BE, pas pasur nëpërkëmbë ‘Open Balkan’. “Ka vetëm një rrugë të drejtë dhe qe shqiptarët e besojnë dhe e duan: Integrimin dhe Anëtarësimin ne BE dhe orientimin vetëm Perëndimor! Edi Rama ka gjithashtu edhe ai vetëm një rruge: Të punojë ditë e nate kundër Europes dhe integrimit europian dhe të bëhet copë për interesat e Serbisë dhe të çdo interesi qe vjen nga Lindja”, u shpreh ai, ndërsa bën thirrje që të gjithë të shohin vetëm drejtë integrimit në BE dhe mos dëgjojnë analistët e paguar nga Rama për ‘Open Balkan’. E.H/Gijotina.com/
Discussion about this post