Portieri i Kombëtares shqiptare, Thomas Strakosha ka vendosur të marrë fatin e tij në dorë pasi kaloi një sezon të tërë në hije te Lazio.
Strakosha humbi vendin e titullarit dhe vendin e tij e zuri Pepe Reina, duke shkaktuar kështu shumë pakënaqësi me hierarkinë e re të vendosur në klub.
Megjithatë duket se gardiani shqiptar ka vendosur të mos e duroj më një situatë të tillë dhe për këtë arsye dëshiron që të qartësojë njëherë e mirë pozitën e tij në ekip pa filluar kampionati.
Mediat italiane raportojnë se menaxheri i Strakoshës i ka dhënë dy mundësi klubit të Lazios, vendin e titullarit ose largimin me parametra zero, pasi kontrata e tij skadon në vitin 2022.
Ndonëse ende nuk është marrë një vendim shqiptari është i vendosur t’i shkojë deri në fund kësaj çështjeje./Gijotina.com
