Deputeti i PD, Luan Baçi, ka deklaruar ditën e sotme se Sali Berisha ka mbledhur firmat e nevojshme për të ngritur Kuvendin me 11 dhjetor. Teksa ka publikuar një foto në “Facebook” nga Foltorja e Berishës në Fier, ai tregon se në këtë qytetet 00 delegatë kanë firmosur pro mbledhjes së Kuvendit.
Sakaq, ai iu ka bërë thirrje të gjithë atyre që dyshojnë se shumë lehtë mund t’i verifikojnë këto firma
“Me kot merreni me lojëra fjalësh, kuvendi do bëhet, është ne te drejtën e anëtarësisë se PD, me vullnetin e tyre, dhe në të mirën e PD! Mbi 500 delegate kane firmosur ne Fier, një për një me dëshirën e tyre, te bindur për një PD me të fortë, më të hapur, më të bashkuar! Mund të bëni verifikimin dhe identifikimin e tyre fizikisht, kur te doni, mjafton te vini ne Fier dhe takohemi se na ka marr dhe malli, jo për gjë”, shkruan ai.
Kujtojmë se ditën e djeshme ka pasur një sërë replikash mes Gazment Bardhit dhe mbështetësve të Berishës në lidhje me vërtetësinë e firmave të mbledhura dhe dorëzimin e tyre në Këshillin e PD.
Discussion about this post