Në një intervistë për mediat, analisti Fatos Lubonja, foli për Fondacionin Soros ku theksoi se kur socialistët erdhën në pushtet, ky fondacion u kthye në aleat të Partisë Socialiste dhe sipas tij këtu ishte edhe pikënisja e problemeve kryesore.
“Kur socialistët erdhën në pushtet e kthyen një organizata si Fondacioni Soros në aleat të Partisë Socialiste, dhe ky është problemi themelor. Sorosi ka synuar të krijojë një klasë të re politike në vendet ku ka ndërhyrë. Duhet thënë se nuk ka qenë komunist në ide, por liberal. Anti-nacionalizmi ka qenë edhe një nga gjërat sensitive. Pra është për një botë të hapur dhe liberale. Berisha ishte i tillë si ideologji…ai mori një konotacion autoritar dhe herë pas here pa pasur disa manifestime nacionaliste kur i duhej” – tha Lubonja.
Ai më tej tha se rënia e Berishës lidhet me rënien e firmave piramidale dhe rezultati është që u forcua një pushtet i korruptuar.
“Por përgjithësisht rënia e Berishës lidhet me rënien e piramidave. Rezultati është që u forcua një pushtet që ishte i korruptuar dhe mbështetja e një klase politike që ishte në teori liberale, por e korruptuar brenda vendit, ka bërë që në vendet e tjera ku ma më shumë demokraci dhe rezistencë si Polonia ka pasur një reaksion i cili ka qenë se klasa që mbështeti Soros ishte e korruptuar. Tani them se Berisha nuk krijonte një problem për Soros ideologjikisht, por kryesisht korrupsioni i tij i brendshëm ka bërë që të rrëzohet dhe një punë sistematike e Ramës për t’i mbajtur lidhjet më të forta, dhe kjo ka ardhur si rezultat i Soros” – u shpreh Lubonja.
Discussion about this post