Rezultati i zgjedhjeve të 14 majit, ku Benet Beci arriti të fitonte në Bashkinë e Shkodrës, kanë ndezur debat në studion e emisionit “Open” në News 24, ku analisti Fatos Lubonja debatoi ashpër me ish-deputetin socialist, Ervin Bushati.
Gjatë fjalës së tij, analisti Fatos Lubonja, ka akuzuar Partinë Socialiste se ka intimiduar qytetarët dhe ka blerë votat.
Nga ana tjetër, Bushati ka thënë se nuk është e vërtetë dhe se sipas tij qytetarët kanë vendosur kështu, sepse sipas tij, ndihen mirë me këtë qeveri.
Pjesë nga biseda në studio:
Ervin Bushati: Qytetarët kanë vendosur që janë mirë me këtë qeveri
Fatos Lubonja: Keni arritur si shoku Enver
Ervin Bushati: Si shoku Enver keni Saliun, qartësisht shqiptarët mendojnë ndryshe nga Lubonja.
Julian Zyla: Votimin e bëjnë ata që janë këtu
Lubonja: Kanë mbetur vetëm ata që fitojnë këtu në administratë.
Arion Sulo: Janë intimiduar të mos dalin në votime
Julian Zyla: Po në Kavajë nuk kanë fituar këto mekanizma. Aty ku fiton PS ka parregullsi, aty ku fiton PD qenka zgjedhje perfekte.
Arion Sulo: Çfarë ka bërë Rakip Suli në Kamëz?
Julian Zyla: Atë e dinë qytetarët.
Discussion about this post