Analisti Fatos Lubonja i ftuar në studion e emisionit “Open” në News24 ka folur në lidhje me fushatën elektorale në prag të zgjedhjeve vendore të 14 majit. Sipas tij, problemi që lidhet me zgjedhjet është “rrezikimi i demokracisë nga partia-shtet”, e cila sipas ka në dorë çdo pushtet dhe kundër tyre nuk mund të ketë zgjedhje të lira.
Ai shtoi më tej se vota për zgjedhjet do vendoset nga paratë e harxhuara nga forcat politike, ku sipas tij mazhoranca e di sa para ka investuar në këtë drejtim, ku “gjysma e tyre janë të fshehta”.
“Nuk gjykoj se ka gjë të keqe që të jetë politike fushata. Mendoj se më shumë se problemi i ca shërbimeve është ai i demokracisë që rrezikohet nga një parti shtet. Opozita ka përballë partinë shtet. Këto KAS marrin dhe vendimet, kush do jetë kryetar i koalicionit, etj. Ka administratën me patronazhistë, ka policinë. Kjo fushatë duhej shfrytëzuar sepse janë të destinuara kur je përballë një regjimi dhe partie shtet nuk ka zgjedhje të lira.
Discussion about this post