Bota e internetit nuk të falë asnjëherë sidomos përsa i përket disa deklaratve kontroverse, deri diku. “Unë e dua Marsejën, jam nga Marseja, do të ishte pak e komplikuar të shkoja në Paris, por gjithçka mund të ndodhë në këtë jetë”.
Kur në mars 2018, Lucas Hernandez tha këtë fjali, gjatë një mitingu për skuadrën e Francës, ai nuk e imagjinonte se do të mund ta fajësonin për këtë vite më vonë.
E megjithatë, kur ai nënshkroi për kryeqytetasit francezë, shumë tifozë e morën këtë fjali në rrjetet sociale, duke përfshirë Romain Mabille, presidentin e Koleksionit Ultras Paris (CUP): “Ju nuk jeni i mirëpritur, Marseillais…”, ka postuar ai në llogarinë e tij në Instagram.
Gjatë një interviste për gazetën “L’Équipe”, ai u pyet logjikisht për këtë dalje që ende po flitet dhe u përpoq të zbusë polemikën: “Jam i vetëdijshëm për situatën, po vij këtu për t’u treguar të gjithë tifozëve të PSG-së që janë skeptikë se jam këtu për të dhënë gjithçka për klubin dhe këtë fanelë.
Ata do ta shohin shumë shpejt këtë. Unë jam shumë konkurrues dhe nga ndeshja ime e parë do të jap gjithçka për këtë fanelë.
Kam lindur në Marsejë, është e vërtetë, por nuk kam jetuar kurrë në Marsejë, kujtimi im i vetëm është kur munda OM me Atlético Madrid në finalen e Europa League”,- tha ai.
Discussion about this post