Sipas të përditshmes “L’Équipe”, portieri aktual i PSG-së, 24-vjeçari italian Gianluigi Donnarumma, nuk i pëlqen trajnerit të ri, Luis Enrique.
Kjo, kryesisht për shkak të lojës së tij me këmbë, duke lënë të hapur mundësinë që klubi parizien të shkojë në merkato për të kërkuar alternativa, në të njëjtën kohë edhe duke i hapur derën për Donnarumma.
Hugo Lloris (Tottenham), Kepa Arrizabalaga (Chelsea) dhe madje edhe David De Gea (Manchester United), i cili është i lirë në merkato pavarësisht se shihet si një opsion më pak i mundshëm, janë disa nga emrat e folur për katrorin e PSG-së.
Klubi francez ka edhe portierin Keylor Navas, i cili u huazua në Nottingham Forest sezonin e kaluar, por ka vetëm një vit të mbetur nga kontrata e tij dhe nuk duhet të qëndrojë në Paris. Donnarumma është te PSG që nga viti 2021 dhe ka kontratë deri në vitin 2026 me parizienët.
Discussion about this post