Deputeti i PD-së Luçiano Boçi foli sot në studion e emisionit “Minuta e Parë” në News24 për projektligjin e PS për reformën territoriale që pritet të miratohet të enjten në Kuvend.
Boçi, i cili është njëherësh edhe bashkëkryetari i komisionit që u ngrit për reformën u shpreh se Partia Socialiste do miratojë një reformë që do thellojë shpopullimin e vendit.
“Kjo tregon se është një vendim politik që ishte i dukshëm kur u ngrit komisioni i reformës dhe u përvijuar nga mënyra e sjelljes së mazhorancë dhe pr.ligji që sollën një grup deputetes që bën ndarje të hartës dhe jo reformë. Reforma nën kupton rregullimin e pushtetit vendor. Një lloj përsëritje e reformës 2014, vetë Rama e ka pohuar.
Rama që në 2014 donte të kishte 46-47 bashki. Ishte një ndërhyrje e partisë aleate që shtoi 15 bashki të tjera. Nuk ka reflektim, por pasoja që ka sjellë reforma e 2014 është shpopullimi. Krahas mungesës së shërbimeve dhe distancës që ka qytetari me shërbimin që është bashkia.
Lëvizja e brendshme e popullsisë është në nivele të vogla lëvizja jashtë është në nivele 80-90%. Vetëm Tirana rezulton me ngritje popullsie 15 mijë banorë. Qarqet e tjera kanë humbur shumë banorë.
Shqiptarët janë larguar përtej kufijve se nuk ka shërbim. Shpopullimi ka prekur jo vetëm zonat rurale por edhe zonat urbane. Pakënaqësia është tek mungesa e shërbimeve distanca e madhe dhe ato shërbime që janë kanë mungesë shumë të ulët.
Nëse këto shohin ëndrra me Zvicër me banorë që migrojnë brenda vendit, ose kemi një kënaqësi idiote ose mashtrim publik. Kjo është mënyra si justifikohet Rama.
PD patjetër do kishte shumë dëshirë që të merrte një iniciativë të tillë si në protestat antiqeveritare, ndërsa në rastin e këtyre protestave janë me iniciativë totale qytetaret. PD ka rritur fushën e komunikimit. Ka marrë iniciativën së bashku me këshillat bashkiakë peticionet përkatëse”, u shpreh Boçi.
Discussion about this post