Seanca e sotme parlamentare ishte e fundit për deputetin Luçiano Boçi, i cili tashmë do t’i kushtohet fushatës zgjedhore për të fituar Bashkinë e Elbasanit, ku dhe është shpallur si kandidat i opozitës.
Boçi tha se synimi i tyre është fitorja, por se për asnjë moment nuk do ta lërë luftën politike.
“Detyrat dhe angazhimet që merr gjatë jetës nuk futen në rangun e emocioneve dhe pas këtij arsyetimi kam vendosur që të jem kandidat për Elbasanin. Lufta politike zhvillohet në shumë korridore, në media, deklarata dhe për asnjë moment nuk do e le luftën politke por në këto zgjedhje jam kandidatë dhe synimi është firotja, menaxhimi i punëve në Elbasan dhe marrja pjesë në politikë. Do ushtroj ato politika që i shërbejne qytetarëve. Politika është një mekanizëm për të zgjidhur hallet e nejrëzve.
Betejat politke i kemi me kundërshtarin. Ka shumë mënyra me koalicion, me parti apo mënyrë të paavrur. Është gjetur kjo e koalicionit se përgjatë gjithë historikut, PD ka qenë e regjistruar brenda një koalicioini dhe nuk besoj se është ndonjë risi”, tha ai.
Sipas tij, pavarësisht ndarjes në PD, vazhdojnë negociatat me qëllimin që përfaqësuesi i PD të shpallet fitues.
“Ne jemi në negociata të pajtueshme, pa vënë kushte pasi bashkëpunimet e frytshme janë ato të bazës së PD që përfaqësuesi i PD, të jetë fitues. Ky bashkëpunim duhet të konkretizohet, pavarësisht debateve që vazhdojnë dhe janë procese normale.”, shtoi ai.
Discussion about this post