Nga Basir Çollaku
Duket se Edi Rama e ka humbur kontrollin. Duke mbrojtur Ballukun dhe veten, ai përdori një gjuhë dhune ndaj prokurorëve dhe gjyqtarëve specialë, sepse i kanë sanksionuar me masë sigurie zëvëndësen. Rama dekonspiroi presionin e saj mbi të në takimin e djeshëm 8 orësh në Kryeministri. Sekretet e përbashkëta kanë tronditur Edi Ramën. Sepse mund të përfundojnë në dosje nëse ai nuk futet në ekip me Ballukun. Bandat kanë kapur tregun dhe detyrojnë eprorët. Rama nuk ia doli të ketë dhe ndonjë tundje koke të Marta Kos në këtë përpjekje, pasi komisionerja u distancua teknikisht nga rasti. U përpoq të kërkojë dhe lirimin e Veliajt se ia paskan rrëmbyer nga zyra. Nishane kiameti. Drejtësia i ka përcaktuar si hajdutë vjedhës parash publike vartësit e tij. Jo si alienë.
Kanosja ndaj prokuror-gjykatësve e Ramës është lufta e fundit e tij për mbijetesë. Dhe i kushtëzuar nga fakti premtoi sukses në Gjykatën Kushtetuese, aty ku precedenti urdhëruar prej tij do të bëhet po “varri” i tij. Rama e di shumë mirë se Balluku e pandehur është paradhomë e ndjekjes penale edhe për të. Mesazhe e porosi, shkresa të firmosura bashkë, nuk lënë zonë të lirë për të. Madje ai nuk ka më kolateralin e shefit ndaj SPAK sepse xhaxha e vëlla Soros, janë shenjestër hetimesh, e jo urdhërdhënës si dikur. KM dhe skota rrethuese e di qartësisht se zëvëndësndihmës sekretari i shtetit Mark Fleming shkoi në Strukturën e Posaçme para disa ditësh, në disa takime. Dhe një ndër ta ishte kokë më kokë me prokurorin e dosjes së zëvëndeses Balluku. Përse se kujtoi këtë kokë më kokë Rama?!?! Andej matanë oqeanit ka tjetër dosje për të. Sidomos ajo narcos. E Charles. E Sinaloas. E plot të tjera. Dhe do të përballet me to. Për të krijuar alibinë e sulmit justifikues ndaj SPAK ka hedhur në medie idetë e një republike tjetër. Asaj të Republikës së Prokurorëve!
Po sikur ai, nëse kujtojmë.deklarimet e shpeshta është.themeluesi dhe krihuesi i këssj republike gjyqtarësh e prokurorësh. Mbajmë mend kur tha se as USA as BE, askush tjetër, por Ai vetë, paska bërë reformën dhe institucionet e tjera të quajtur të reja. Të tjerët kishin bërë Noc Rrokun. Aferim. Ankesa për një “republikë” që po del nga ndikimi i tij e kthehet në detyrë!! Ky ligjsevdaja që nuk zbaton vendimet e Gjykatës Kushtetuese. Ky zaptuesi çdo lirie dhe të drejte e prone, apo hapësire juridike.
Republikë prokurorësh e gjyqtarësh apo Mafiozësh e trafikanësh droge?! Natyrisht kurrë e dyta. Por e para, e kontrolluar nga ligji.
Damkosja penale zëvëndëskryeministres Belinda Balluku, ka çuar menjëherë në alarm qeverinë, qeveritarëdashësit, grupe dhe persona të shumtë interesi. Ngjashëm me fillesat e bashkiakut të Tiranës. Nunri i akuzave sapo ka nisur. Do të shtohen. 13 ka Veliaj. Aty afër apo më tepër, do të ketë Balluku. Rama duhet të bëhet gati për të dëshnuar në Strukturën e Possçme. Për dosjet e Ballukut, Veliajt, Beqes, 21 janarin, investimet strategjike, sky-enchro, e shumë të tjera. Republika e zbardhjes së dosjeve të rënda penale, është beteja e tij që do ta humbë.
Të tjerat nuk kanë kokërr rëndësie.
Marrja e tij si i pandehur nga SPAK, nuk ndalohet nga asnjë ortak Noc Rrok vendas. Republika me qeveri jo mafioze me drejtësi të pakapur e demokraci të rikthyer, do të rrojë edhe pa Ramën KM, pa vartës e të blerë prej tij kudo e kurdoqofshin si funksionarë apo partiakë, në krah apo përballë. Së shpejti…
Discussion about this post