Muzika është ndaluar në restorantet dhe baret në ishullin grek të Mykonos dhe është vendosur një mbyllje totale gjatë natës, pas rritjes së rasteve me koronavirus.
Ministria e Mbrojtjes Civile Greke tha se ndalimi gjatë gjithë ditës i muzikës përfshinte dyqane, kafene dhe bare plazhi. Nga rregulli i orarit përjashtohen, vetëm ata që shkojnë në punë ose në spital, të cilët do të lejohen të dalin nga ora 1 e mëngjesit deri në 06:00.
Sipas mediave të huaja, masat u nxitën nga një rritje “shqetësuese” e infektimeve lokale me COVID-19, por kryetari i ishullit, Konstantinos Koukas, tha se vendosja e masave në zemër të sezonit të turizmit ishte “e padrejtë” dhe “e gabuar”.
“Mykonos nuk mund të jetë ishulli i vetëm ku muzika nuk do të dëgjohet … e vetmja gjë që kjo do të arrijë është që vizitorët të shkojnë në një ishull tjetër“.-tha ai.
I njohur si ishulli i festave të super të pasurve, Mykonos është një nga destinacionet më të njohura të Greqisë, duke tërhequr më shumë se një milion vizitorë çdo verë, mes tyre yje të Hollivudit, modele dhe atletë me famë botërore.
