Tenderi për pastrimin e Traumës është bërë tashmë një objekt diskutimi ë rrjet, për shkak se është hapur dhe anuluar disa herë. Shifra të ndryshme janë dhënë për këtë tende dhe 2 herë ka përfunduar çështja në KPP për shkeljet që janë bërë në tender. Kalvari i gjatë i problemeve për këtë tender ka filluar që në fund të viti 2021 dhe është mbyllur përfundimisht vetëm 7 qershor. Në shtator të vitit 2021 Spitali i Traumës publikuar tenderin për pastrim, por menjëherë kompanitë e interesuara kanë denoncuar në Komisionin e Prokurimit Publik vendosjen e kritereve të qëllimshme nga Agjencia e Blerjeve të Përqendruara.
Ishte kompania “Sori Al” e ka kërkuar rishikimin e fondit limit, duke pretenduar se kosto nuk justifikon disa shërbime siç është menaxhimi i mbetjeve të rrezikshme dhe shërbimi 16 orë në ditë. Përllogaritjet e bëra sipas “Sori Al”, duke bashkangjitur dhe këto shërbime arrijnë në vlerën 164.7 milionë lekë, shumë herë më e lartë se vlera e fondit limit. Po ashtu kompania i konsideron diskriminuese dhe kriteret e vendosura. Në fakt vlen të përmendet se kjo kompani e zotëron projektin për pastrim në spital që nga 2018 dhe duke qenë se ishte mbushur me para në këto vite, nuk ishte akoma gati t’ia dorëzojë dikujt tjetër.
Pas vlerësimit të ankesës, KPP i dha të drejtë “Sori Al”, duke i kërkuar Manastirliut të pezullojë procedurat për këtë tender. Më pas në maj të këtij viti spitali e hapi sërish garën, por për të dytën herë pati ankesa. Këtë herë ishte kompania “Clean-Fast”, e cila denoncoi në KPP kriteret diskriminuese të tenderit dhe kërkoi që të rishikohen vlerësimet e ofertave. Pas këtyre ankesave, Manastirliu ndryshoi disa nga kriteret, rriti fondin limit në 1.1 milionë lekë dhe me 12 maj 2022 shpalli fitues kompaninë “Sori -Al”, të Alam Tafanit, ish-gruas së Enio Jaçe. Ndërkohë, të gjithë i dimë tashmë lidhjen e ngushtë të Manastirliut me Tafanin, pasi edhe këtë herë ja dha tenderin me p shpallje paraprake, që në vendin tonë nuk lejohet më si procedurë.
Me vendimin e 12 majit të gjithë menduam se kjo çështje u mbyll, por me datë 15 është ngritur një tjetër ankesë nga kompania “Reji shpk”. Me gjithë këtë angari dhe shkelje që dolën në shesh, për njërin lot Manastirliu ka shpallur fitues Luan Kaprin këtë herë më vlerë 1.3 miliardë lekë.
Sikur duket ky tender për pastrim, është bërë llum dhe është kthyer në një betejë për luftë mes “titanëve” të tenderëve. Kjo për faktin se të dhënat e renditura më sipër tregojnë që nga të gjitha kompanitë pjesëmarrëse vetëm Luan Kapri dhe Alma Tafani janë ankimuar. Dhe si për të mos prishur pazaret me asnjë prej tyre, Manastirliu pas çdo ankesë të bërë i ka shpallur menjëherë fitues. Pasi Alma Tafani e gëzonte prej kohësh këtë tender, ndërsa Kapri i mësuar me benefite donte një pjesë nga kjo aferë. Në përfundim, 1.3 miliardë lekë ikën nga xhepat e qytetarëve për Kaprin.
Discussion about this post