Luftën që po zhvillohet tashmë në Komisionin Qendror të Zgjedhjeve dhe Komisionin e Ankimimeve dhe Sanksioneve, deputeti Tritan Shehu e ka konsideruar si një lojë dhe si një teatër duke u shprehur i bindur se do i japin të drejtë Enkelejd Alibeajt.
Për këtë të fundit, Shehu e cilësoi si “kryepaterica e Edi Ramës”.
“Kemi të bëjmë me një komplot për të lënë PD jashtë zgjedhjeve, por po gabojnë rëndë, sado të japë urdhër sulltani. Alibeaj mbete kryepaterica e Ramës, ai i shërben. Është një teatër që po ndiqet për të penalizuar PD, se ka vetëm një PD, kjo është një lojë, do t’ia japi Kolegjin të drejtën grupit të Alibeajt, është një skenar i përgatitur, mes sulltanit dhe patericave të tjera”, tha Shehu.
Shehu tha se Berisha do të futet në zgjedhje, me koalicion me Metën, por pa dhënë shumë detaje.
“Do futemi në zgjedhjeve, do futemi në koalicion, detajet do i japë Berisha, shumë shpejt kur të jenë përfunduar, koaicioni është i fiksuar, është i mbaruar, është shumë solid, shumë serioz, sado lojëra të bëjnë me patericat e tij, është e dështuar kjo gjë. Do hyjmë në koalicion të përgatitur shumë mirë”, shtoi ai
Shehu tha se kushdo që futet në zgjidhje kundër kandidatëve të PD-së së Berishës, i shërbejnë vetëm Ramës, e ndërsa shtoi se protestat nuk do të ndalen.
Discussion about this post