Me ftesë të Gjermanisë, vendet anëtare të G7-ës pritet të mblidhen javën e ardhshme në Bukuresht të Rumanisë. Kjo për të “iniciuar mbështetje të mëtejshme për furnizim me energji elektrike për Ukrainën”.
Kështu tha ministrja e Jashtme gjermane, Annalena Baerbock. E cila i ka quajtur sulmet ajrore ruse në infrastrukturën ukrainase “krim të patolerueshëm dhe çnjerëzor”.
Ajo tha se presidentit rus, Vladimir Putin, “po i pëlqen të zhysë popullin e Ukrainës në të ftohtë dhe në errësirë me raketat e tij”. Por që sipas saj, ai nuk mund ta zmbrapsë dëshirën e ukrainasve për liri, dhe mbështetjen e perëndimit për ta.
Sulmet ajrore ruse goditën Ukrainën, më 23 nëntor. Ku shumica e qyteteve mbetën pa energji elektrike, përfshirë Kievin.
Grupi i shtatë vendeve më të industrializuara (G7) përbëhet nga: Shtetet e Bashkuara, Mbretëria e Bashkuar, Gjermania, Franca, Italia, Kanadaja dhe Japonia./REL
Discussion about this post