Prej 14 ditësh Ukrainë gjendet nën pushtimin e Rusisë. Sot do të tentohet sërish për një evakuim të qytetarëve duke sjellë një armëpushim të përkohshëm. Korridoret humanitare do të hapen në Sumy, në perëndim të qytetit kufitar të Kharkiv, aty ku 1,000 makina janë në gjendje për t’u nisur drejt qytetit të Poltava në jug. Ditën e djeshme rreth 5000 njerëz u larguan nga qyteti. Ushtria Ruse thotë se do të ndalojë të shtënat në pesë qytete të Ukrainës në orën 10:00 për të lehtësuar korridoret humanitare. Evakuimet do të zhvillohen në Kiev, Chernihiv, Sumy, Kharkiv dhe Mariupol. Ukraina thotë se përpjekjet për evakuim dështuan në qytetin port jugor të Mariupolit, pasi granatimet ruse vazhduan, deklaratë kjo që u mohua nga Moska.
Presidenti Zelenskyy mbajti një fjalim të fortë në Dhomën e Komunave dhe përsëriti thirrjen e tij të dëshpëruar për një zonë të ndaluar fluturimi mbi Ukrainë; Më vonë, gruaja e tij Olena Zelenska ndau një letër emocionuese për situatën në Ukrainë. Ajo tha: “Janë disa dhjetëra fëmijë që nuk e kanë njohur kurrë paqen në jetë”.
Ushtria e Polonisë që i ofroi avionët e saj Forcave Ajrore të SHBA-së, sipas Pentagonit është “e papranueshme”, mes shqetësimeve për një zonë të ndaluar fluturimi. Mbretëria e Bashkuar njoftoi se do të heqë gradualisht importet e naftës ruse deri në fund të vitit 2022. Presidenti i SHBA Joe Biden konfirmoi një lëvizje të ngjashme, duke thënë se një ndalim i plotë i importeve të naftës dhe gazit rus do t’i japë një “goditje të fuqishme” Moskës.
Discussion about this post