Lufta në Ukrainë ka nisur në fund të muajit shkurt të vitit 2022, dhe deri tani, nuk duket se ka shanse që të përfundojë, me bisedimet e shumta për paqe, qoftë kokë më kokë ose të ndërmjetësuara nga të tjerët, të cilat, nuk kanë dhënë asnjë lloj rezultati, duke bërë që numri i viktimave, mes civilëve dhe ushtarëve, të rritet jashtë mase.
Këto ditë, pritet që të zhvillohen bisedimet e radhës, me një shtet të rëndësishëm të Azisë, që ka konfirmuar pjesëmarrjen si ndërmjetës.
India do të marrë pjesë në bisedimet e paqes në Arabinë Saudite këtë fundjavë që synojnë t’i japin fund luftës në Ukrainë.
Arindam Bagchi, zëdhënësi i Ministrisë së Punëve të Jashtme të Indisë, konfirmoi se vendi do të përfaqësohej në samit, por nuk tha se cilët zyrtarë do të merrnin pjesë.
Arabia Saudite ftoi Indinë në takimin dy-ditor në Jeddah, ku zoti Bagchi tha se “pjesëmarrja e vendit është në përputhje me qëndrimin tonë të gjatë se dialogu dhe diplomacia janë rruga përpara”.
Shtetet e Bashkuara, Brazili, Afrika e Jugut dhe disa vende të tjera pritet të marrin pjesë në samitin e paqes të organizuar nga Ukraina.
Discussion about this post