Problemi me një luftë, në çdo cep të planetit, është se shpesh herë ka komplikime përsa i përket vërtetësisë së një lajmi. Numri i saktë i jetëve të humbura gjatë një konflikti të armatosur, ka raste që është subjekt i “fryrjeve” ose “minimizimeve” të shumta nga çdo palë e përfshirë në luftë dhe për këtë duhet një guxim i madh nga gazetarët e paanshëm, për të marrë një numër ekzakt të vdekjeve në terren.
Humbjet e Rusisë në luftën në Ukrainë arrijnë në pothuajse 30,000 ushtarë. Burimi është nga BBC në bashkëpunim me faqen e internetit Mediazona dhe një grup vullnetarësh, pasi të dyja palët, si Moska zyrtare ashtu edhe Kievi nuk kanë dhënë një numër të saktë të humbjeve.
Shkrimi identifikon emrat e 29,217 ushtarakëve rusë të vrarë në Ukrainë, nga të cilët të paktën 870 u vranë së fundmi nga kundërsulmi ukrainas.
Mirëpo, si pasojë e sulmeve, mes viktimave ka pasur edhe civilë. Në këto kushte, sipas të njëjtit burim thuhet se në total viktimat e luftës në Rusi deri në fund të majit 2023 arrijnë në 47,000.
Megjithatë, flitet se numri mund të jetë më i lartë, për shkak të tentativave të autoriteteve për ta zvogëluar e për të krijuar përshtypjen se në këtë luftë janë të fituar.
Discussion about this post