Lufta në Ukrainë në ditën e 476-të/ 3 persona të vrarë nga një sulm me bomba në Odesa

Të paktën 3 persona u vranë dhe 13 të tjerë u plagosën në një sulm me bombë dhe raketa ruse gjatë natës në qytetin jugor të Detit të Zi, Odessa, deklaroi Komanda Jugore e Ukrainës.

Raketat ruse të përdorura në sulmin në Kryvyi Rih, i cili shkaktoi 11 të vdekur dhe 39 të plagosur, përmbanin mbi 50 komponentë të prodhimit të huaj. Këtë e bëri të ditur presidenti ukrainas Volodymyr Zelensky, duke nënvizuar se “për fat të keq Rusia është ende në gjendje të marrë komponentë kritikë për prodhimin e raketave, të prodhuara nga kompani të vendeve të ndryshme dhe në veçanti të disa vendeve partnere. Këto komponentë, kryesisht të mikroelektronikës, ata pastaj i dorëzohen Rusisë në mënyra të ndryshme”

“Pushtimi i nisur nga Rusia nuk është vetëm një luftë kundër Ukrainës, por kundër të gjithë atyre që janë të lirë kudo. Nëse presidenti rus Vladimir Putin fiton, bota do të jetë më e rrezikshme sepse fitorja e tij mund të inkurajojë vendet e tjera, përfshirë Kinën”.

Kështu deklaroi sekretari i përgjithshëm i NATO-s, Jens Stoltenberg, në një takim me presidentin Joe Biden.