Ambasada amerikane në Rusi u ka kërkuar qytetarëve të saj që të largohen a më parë nga vendi. Qytetarët amerikanë që “banojnë ose udhëtojnë në Rusi duhet të largohen menjëherë”, thuhet në shënimin, që bën gjithashtu thirrje për “të ushtruar më shumë kujdes për shkak të rrezikut të arrestimit të paligjshëm”.
Moldavia është gjithashtu në gatishmëri: presidentja, Maia Sandu, ka thënë se Moska po organizon një komplot për të përmbysur qeverinë e Kishinaut, për ta vënë kombin “në dispozicion të Rusisë” dhe për të prishur aspiratat e vendit për t’u anëtarësuar një ditë me Bashkimin Evropian.
Në terren, luftimet jashtë Bakhmutit intensifikohen ndërsa forcat ruse shtyjnë përparimin e tyre drejt qytetit lindor të Ukrainës me municione të rënda dhe sulme këmbësorie.
Megjithatë, frazat e së dielës së Silvio Berlusconit që shkaktuan reagimin e qeverisë së Kievit vepruan si benzinë e hedhur mbi zjarr. Akuzat absurde të Berlusconit ndaj presidentit ukrainas janë një përpjekje për të puthur duart e Putinit, të mbuluara me gjak.
“Një përpjekje për të demonstruar besnikëri ndaj diktatorit rus”, shkruajti Oleg Nikolenko, zëdhënës i Ministrisë së Jashtme të Ukrainës në Facebook. “Politikani italian duhet të kuptojë se duke përhapur propagandën ruse ai po inkurajon Rusinë të vazhdojë krimet e saj kundër Ukrainës, dhe për këtë arsye ka përgjegjësi politike dhe morale”. Ndërkohë, në Itali, edhe brenda mazhorancës qeveritare, shumë veta po distancohen nga fjalët e Berlusconit.
Discussion about this post