Dy raketa të ushtrisë së Federatës Ruse kaluan në hapësirën ajrore rumune dhe moldave përpara se të hynin në Ukrainë të premten, ka pohuar një gjeneral i lartë ukrainas. Ministria rumune e mbrojtjes ka thënë se ende nuk i ka konfirmuar raportet, sipas raportimit të The Guardian.
Valeriy Zaluzhnyi, komandanti i përgjithshëm i forcave të armatosura të Ukrainës, tha se dy raketa Kaliber të lëshuara nga Deti i Zi kishin hyrë në hapësirën ajrore të shtetit të Moldavisë, nga ku më pas fluturuan në hapësirën ajrore rumune, përpara se të rihynin në Ukrainë në pikën ku takohen kufijtë e tre vendeve.
Reuters tha se nuk mund ta verifikonte menjëherë deklaratën në mënyrë të pavarur. Rusia nuk e komentoi menjëherë këtë. Media e “Ukrainska Pravda” citoi zëdhënësin e forcave ajrore të thoshte veçmas se Ukraina kishte aftësinë për të rrëzuar raketat, por nuk e bëri këtë sepse nuk donte të rrezikonte civilët në vendet e huaja.
Discussion about this post