Lufta në Ukrainë vijon në ditën e 450-të dhe sulmet ruse vazhdojnë me intensitet të lartë. Kievi dhe qytetet e tjera në Ukrainë u sulmuan përsëri nga forcat ruse, para agimit të sotëm.
Sipas ushtrisë ukrainase janë kapur të gjithë dronët shpërthyes që synonin kryeqytetin.
“Sulmi i dhjetë ajror në 19 ditë në maj,” -shkroi administrata ushtarake e qytetit të Kievit në Telegram, duke raportuar disa valë të shpërthimit të dronëve gjatë natës.
“Të gjitha objektivat ajrore të zbuluara që lëviznin në drejtim të qytetit u shkatërruan” -shtoi administrata ushtarake.
Zyrtarët ushtarakë dhe mediat lokale raportuan gjithashtu shpërthime në Lviv dhe Rivne në perëndim, dhe në Kherson dhe Kryvyi Rih në jug të Ukrainës.
Discussion about this post