Ndërkohë që po bëhet një muaj nga dira kur Rusia nisi luftën mbi Ukrainë, të gjithë presin negociatat për paqe. Më shumë detaje rreth këtyre diskutimeve ka dhënë këshilltari i presidentit Zelensky, Mykhailo Podolyak, në një intervistë për mediat polake. Ai tha se, se Ukraina ka si pikë kryce për bisedimet armëpushimin e menjëhershëm. “Një nga pikat kyçe të marrëveshjes së paqes do të jetë armëpushimi i menjëhershëm dhe tërheqja totale e ushtrisë ruse nga territori ukrainas”, u shpreh ai.
Ndërsa shtoi më tutje se, mund të duhen dy javë që të arrihen negociatat dhe një armëpushim. Ndërsa shtoi se Polonia do të marrë pjesë gjithashtu në këto negociata. “Do duhet një javë e gjysmë. Megjithatë, negociatat do të jenë një proces të vazhdueshëm në të cilin do të marrin pjesë jo vetëm Rusia dhe Ukraina.Partnerët tanë, përfshirë Poloninë, gjithashtu do të marrin pjesë në mënyrë indirekte sepse ne nuk duam thjesht të nënshkruajmë një marrëveshje, por të zhvillojmë një mekanizëm konkret që garanton sigurinë tonë në të ardhmen”, përfundoi Podolyak. Kujtojmë se pak ditë më parë Zelensky tha se mund të tërhiqen nga kërkesë për anëtarësim në NATO që Ukraina të gjejë paqe.
Discussion about this post