Vijon lufta me flakët në malin e Tërbunit në Pukë. “BalkanWeb” raporton se vatra e zjarrit vijon të jetë aktive dhe deri në këto momente flakët kanë përfshirë një sipërfaqe prej 15 hektarësh me pisha dhe lisa.
Në operacion për shuarjen e flakëve ndodhen 12 forca të zjarrfikëseve, 10 të shërbimit pyjor dhe 15 të shërbimeve komunitare. Ndërkohë pritet që operacionit t’i shtohen dhe 25 ushtarë të repartit ushtarak të Vau të Dejës.
Për shuarjen e zjarrit është punuar deri tani me degë, lopata e mjete të tjera rrethanore pasi është e pamundur ndërhyrja me zjarrfikëse.
