Zyrtari i qeverisë ukrainase, Andriy Yakobchuk është shprehur se trupat ruse janë tërhequr nga qyteti jugor i Ukrainës, Mykolaiv. Sipas tij, luftimet po vazhdojnë në periferi të këtij qyteti ndërsa trupat ukrainase po përpiqen të rimarrin kontrollin e plotë të Mykolaivit.
“Por luftimet po vazhdojnë në periferi” – tha ai.
Ndërkohë, Forcat Tokësore të Ukrainës postuan pamjet që supozohet se tregonin rimarrjen e aeroportit të qytetit dhe një flamur të ngritur ukrainas. Pretendimet nuk janë verifikuar në mënyrë të pavarur. Raporterët të premten thanë se trupat ruse kishin hyrë në qytetin me vendndodhje strategjike me rreth 500,000 banorë.
Discussion about this post